Teatro Paraíso Antzerkiak Finlandia, Norvegia, Eslovenia eta Kroaziara eramango du bere lana

hirinet 2014ko maiatzaren 15a

Duela 35 urte martxan jarri zen Teatro Paraiso Antzerkia konpainiak uztailera arte iraungo duen birari ekin dio eta bere magia eszenikoa Finlandia, Norvegia, Eslovenia eta Kroaziara eramango du, non jaialdi ezberdinetan parte hartuko duen.

Oraingo honetan hiru dira Europan aurkeztuko dituen lanak; In the garden, Kri Kra Kro eta Kubik. Hauek guztiek umeen (1-6 urte bitartekoak) eta irudien arteko harremanaren inguruko trilogia eszeniko bat osatzen dute eta haurrak etengabe estimulu bisualez inguratuta hazten diren XXI. mendeko hiritarrak direla hartzen dute oinarritzat. Irudiak, ikusteko ez ezik, elkarri eragiteko eta mundua eraldatzeko baliagarriak direla adierazi nahi du antzerki konpainiak proiektu artistiko hauen bitartez.

Teatro Paraiso Antzerkia Europan

Kuulas International Children’s Theatre Festival, Kouvolas (Finlandia), maiatzaren 15etik 18ra. ‘In the Garden’ lana maiatzaren 17an aurkeztuko du.

Festspillene I Nord – Norge, Harstad (Norvegia), ekainaren 21etik 28ra. ‘In the Garden’ ekainaren 25ean eta eta Kubik 26an aurkeztuko ditu.

Mini Summer Festival, Ljubljana (Eslovenia), ekainean, uztailan eta abuztuan. ‘In the garden’, ekainaren 29an egingo du.

MDF Sibenik, Sibenik (Kroazia), ekainaren 22tik uztailaren 6ra. ‘In the garden’ eta ‘Kri Kra Kro’ aurkeztuko ditu uztailaren 1ean eta 2an.

Berriak

Izan zaitez ALEAkide!

ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Zuk ere gurekin bat egin nahi al duzu? Aukera ezberdinak dituzu gure proiektuarekin bat egiteko.

Informazio gehiago