Arabako anbulantzietako langileek, beste behin ere, elkarretaratzea egingo dute hitzarmen sektorial bat aldarrikatzeko helburuarekin.
Halaber, elkarretaratzea burutzen duten bitartean anbulantzietako langileen alde jasotako sinadurak ere entregatuko dituzte Araba Osasun Lurralde ordezkaritzan. Aurretik aipatu bezala, sektoreak bizi duen gatazka eta lan baldintzak erregulatuko dituen hitzarmen sektoriala eskatzea dute helburu.
Gogoratu beharra dago Arabako anbulantzietako langileak orain hilabete batzuk hasi zirela mobilizazioak egiten beren lan baldintzen defentsan. Besteren artean, martxoan greba mugagabe bati ekin zioten, baita Santiago ospitaleko sarreran lotu ere.