Arabako euskarazko astekaria martxan jartzeko proiektua abian da eta urte bukaeran lehenengo alea esku artean izateko aukera izango duzu.
Araba mailan euskara hutsean argitaratuko den lehenengo astekaria izango da, parte hartzean oinarritua eta Arabako euskaldunon sarea osatzen lagunduko duena. GEU elkarteak, Berriak eta Goienak heldu diote erronka honi baina herrialde osoko euskaldun eta euskaltzaleen ekarpenarekin aterako da aurrera.
Astekari berri honen izena aukeratzeko laguntza eskatu nahi genizuen eta bozketa egin ostean ALEA izan da bozka gehien jaso duen izena. Hortaz, Arabako euskarazko astekari berriaren izena Arabako ALEA izango da.
Hurrengo urratsa argitalpenaren logotipoa diseinatzea da eta horretarako Logotipo lehiaketa martxan jarri da. ALEA - Logo lehiaketaren OINARRIAK
Bozketan parte hartu zutenen artean, disko sorta bat zozkatu dugu eta hau izan da irabazlea: Arantza Hernandez
Mila esker parte hartu duzuen guztioi!