IGANDEAK JAI saioa Mariturri eskolan

Euskararen Agenda 2014ko mar. 5a, 11:35

Euskararen familia transmisioa lantzeko eta Gasteizko familia euskaldunen arteko loturak trinkotzeko asmoz aurten ere 'IGANDEAK JAI, familia giroan euskaraz' saioak antolatuko ditu GEU elkarteak.

Noiz? MARTXOAren 23an, igandean

Non? MARITURRI ESKOLAN (Leza kalean)

  • 17.00etan 'Tina' Zirkun Zirko
  • 18.00etan 'Jolas koloretsuak'

GEU elkarteak antolatuta, Mariturri Galtzagorri guraso elkartearekin elkarlanean.

 

'Tina' Zirkun Zirko

Ikustaldi honetan, Tinaren historioa kontatzen da. Tina, bere jabe Rigoberta maltzurrak eraginda, gela itxi eta ilun batean bizi den txotxongilo bakarti bat da. Honek, amets bat du: bizitza itogarri horretatik alde egitea eta munduko haur guztiekin jolastea... Ikustaldian zehar bere irudimenaren mundua ezagutuz, bertatik alde egitea nola lortzen duen ikusiko dugu... 'Agian ametsak ez dira desagertzen esnatzen garenean, agian norbaitek gordetzen dizkigu...'

 

'Jolas koloretsuak'

Paraxuta, oihalak eta puxikak erabiliko ditugu, besteak beste, familian elkarrekin jolasteko. Kolorez beteriko jolas dibertigarriak!!

 

 

ALBISTEAK MUGIKORREAN

ALEAren albisteak Whatsapp edo Telegram bidez jaso nahi dituzu?

WHATSAPP: Bidali ALEA hitza 645 66 86 02 telefono zenbakira.

TELEGRAM: Batu zaitez @ArabakoALEA kanalera.


ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Zuk ere gurekin bat egin nahi al duzu?


Izan zaitez ALEAkide