Hori dela eta, Udaltzaingoak Ihurrerako sarbidea moztu du. Horrez gain, gaurko egunean arazoak sor daitezkeen Abetxuko, Gamarra, Arangiz eta Lopidako puntuetan arreta berezia jarriko diete udaltzainek zein suhiltzaileek, oinezkoen zein ibilgailuen segurtasuna bermatze aldera. Era berean, Billoda eta Tresponde herriak lotzen dituen A-3302 errepidea trafikora itxi dute.
Gaur goizean Ullibarriko urtegia segundoko 45.8 metro kubiko husten ari ziren, izan ere, hiru egun eskasetan urtegiaren edukieraren %86tik %92 ingurura heldu baita. Euskalmeten arabera, hurrengo orduetan zaparrada txikiak botako ditu baina arratsalde-gauean atertzera egingo du. Ipar-mendebaldeko haize ahul-bizia ibiliko da, arratsaldean ipar/ipar-mendebaldera egingo du. Tenperatura minimoak nahikoa igoko dira. Tenperatura maximoetan aldaketarik ez edo gutxi igoko dira.