Izan ere, aurreko ostiralean Espainiako Gobernuak dekretu-lege bat onartu zuen, zeinaren bidez Garoñaren irekiera baimentzen duen, Endesa eta Iberdrola enpresek uztailaren 6a baino lehen horrela eskatzen badute. Dekretu-lege honek zentrala berriro zabaltzea justifikatzen du, “itxiera arrazoi ekonomikoengatik izan zelako, ez segurtasun arazoengatik”.
Enpresa hauen eskuetan dagoen irekiera honen aurka egiteko Araba Garoñarik gabe ekimenak hainbat ekintza antolatu ditu hurrengo egunetarako. Martxoaren 1ean, larunbatean, 12.00etan konzentrazioa egingo du Arabako Foru Aldundiaren aurrean. Martxoaren 5erako, berriz, itzalaldia egiteko deialdia egin du, gaueko 21.00etatik 21.10era bitartean. Azkenik, martxoaren 15ean manifestazioa deituko du Garoñaren aurkako plataformak.