Korronte horretako alkatea dugu Gasteizen, ezaguna egin dena PPk dioenaren guztiz kontrako plantak egiteagatik. Gauza horien artean, azkena Trebiñuren "arabatasunaren" alde kokatzea izan da. Kokatu bakarrik, ezein itxuraz aldatzen dute bai, baina portaera ez da “orejismo” horren oso ezberdina.
Ez da ezer berria euskal popularrek Araban duten indarra ikusita, probintzia honek duen zuloa estali nahi izatea euren alderdian gero eta handiagoa den zuloa estaltzeko. Hala ere, nahiak ez dira nahikoak, eta baliagarriago zaie benetako eskuina boteretsua den lurraldetan –Gaztela kasu– eurena mantentzea Euskal Herrian haztea baino. Horra non dugun Javier Maroto, azken boladan Twitter kontuan #TrebiñuArabaDa hashtagarekin bere horma busti duena. Eta horra non Eusko Legebiltzarrean zuloaren kontua Madrilera eramateko proposamena bozkatu zenean, bere eserlekua hutsik utzi zuen. Bere ideietatik ihes egin zuen.
Ez dut ukatuko alkate ausarta dugunik, Garoña gora eta behera, aurrekontuak gora eta behera, sexualitatea gora eta behera. Hala ere, bi aurpegietara jokatzea, luzera edo laburrera, zaplastakoa dakar aurpegi batetik zein bestetik. Jaso ditu bereak popularren aldetik, eta orain alderdia konten uzteko, bere itxura aurrerakoiari bizkarra ematea erabaki du. Trebiñutarrek hari berea eman diote jada...
Egilea: Aitor Castañeda Zumeta. Gizarte Komunikazioan Doktoregaia