42 izan dira aurtengo ginkanan parte hartu duten taldeak eta lau finalera heldu direnak, horien artean, GEU elkartearen ‘Igandeak jai’ egitasmoa. Finalean aurrez aurre izango dituzte Atarrabiako Karrikaluze euskara elkartea, Algortako Bertso Eskola eta Lasarteko Dinbi Banda Batukada taldea.
Ginkanak bi fase izan ditu: 6 astez, abenduaren 3an hasi eta urtarrilaren 16a bitartean, astero egin beharreko proba bat egin dituzte parte hartzaileek. Horietan puntuazio altuena jaso duten lau taldeak pasa dira finalera eta bertan erabakiko da zein den edizio honetako irabazlea. 3.000 euro jasoko ditu talde irabazleak.
Hauxe da ‘Igandeak Jai’ taldearen aurkezpen bideoa. Zorte on!
Informazio gehiago: Euskararen Ginkana