Ipuingintzaren eta euskal ipuingintza tradizionalaren nahiz gaur egungoaren inguruko oinarri teorikoak azalduko dira, gai horien inguruan orain arte idatzi eta argitaratutako lanak oinarritzat harturik.
Noiz? Astelehenetan eta asteazkenetan, 19.30 - 21.00 (OTSAILA/MARTXOA)
Non? IBAIONDOko gizarte etxean
Adina: 16 - 99
Irakaslea: Nerea Gallastegi, irakasle, idazle eta itzultzailea
Informazio gehiago: www.vitoria-gasteiz.org
Era berean, maila apalagoan ikertuak izan diren edo aztertu gabe dauden hainbat alorren inguruko galderak planteatuko dira: badu ipuingintzak beste generoen inbidiarik?; badu emakumezkoen ipuingintzak berezko ezaugarririk?; haurrentzako gaur egungo ipuingintzak heziketa al du soilik helburu?; ipuinen itzulpenari dagokionez, ba al da ezer onik? Galdera horiei erantzun eta zenbait ondorio ateratzearren, hautatutako zenbait ipuin aztertuko dira, beren ezaugarriak antzemateko: gaia, xedea, estiloa, hizkuntza...
Izan zaitez ALEAkide!
ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Zuk ere gurekin bat egin nahi al duzu? Aukera ezberdinak dituzu gure proiektuarekin bat egiteko.