Guztira 64 ikuskizuna antolatu ditu Gasteizko Udal antzoki sareak urtarriletik ekainera bitartean, horietatik 10 euskaraz.
Euskarazko ikuskizunen artean 'Zazpi aldiz elur' antzezlanaren erabateko estreinaldia gailentzen da, Tanttaka konpainiak Bernardo Atxagaren testuekin Mikel Laboari egindako omenaldia. Ikuskizuna bi egunetan eskainiko dute, otsailaren 12an eta 13an
Vaivén eta La Pavana taldeek Christopher Durang egilearen Terapiak lana aurkeztuko dute maiatzaren amaieran. Oinkari Dantza taldeak eta Hika Teatroak, aldiz, elkarlanean landutako 'Itsasoaren emazteak' dantza ikuskizuna. Eta Mikel Urdangarinek, Rafa Ruedak, Kirmen Uribek, Bingen Mendizabalek eta Mikel Valverdek orain hilabete Artium museoan aurkeztutako emanaldia -Jainko txiki eta jostalari hura- berriro eskainiko dute Principal Antzokian.
Gorakada konpainaiaren txotxongilo ikuskizuna -Aladino- izango da euskarazko lehenengo familia emanaldia. Eta azkenik, ekainaren 23an, Pirritx, Porrotx eta Marimotots pailazoen 'Sentitu, pentsatu, ekin' umorez eta fantasiaz betetako emanaldia izango dugu.
Abonamenduak urtarrilaren 16an jarriko dira salgai eta aldez aurreko salmenta urtarrilaren 23an hasiko da.
ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Zuk ere gurekin bat egin nahi al duzu? Aukera ezberdinak dituzu gure proiektuarekin bat egiteko.