Lehenik eta behin, gaurkoan, erruz zabaltzen ari den Lagun Ezkutuaren ohitura goretsi nahi dugu: inor ez du oparirik gabe uzten, inork ez du opari gehiegi jasotzen, egingo ez zenion horri oparia egitea tokatu ohi zaizu... Sistema ederra, benetan.
Opari bat (=bakarrik) egitea ez da gutxi eta zalantzarik ez dago, etxean geuk egina bada, maitasun bereziz oparitzen dela. Argentinatik datorkigun ehungailua erakutsi nahi dizuegu gaur.
Zapiak (hirukiak), mantak (bi, lau... hiruki kakorratz-lanez elkartuta) eta jantziak ere egin daitezke ehungailu honekin eraikitako oihalekin. Gasteizen, oraingoz, badugu horrelako hiruzpalau ehungailuren berri. Beraz, ez duzu egurrak eta hiltzeak erosteko beharrik. Eskatu revoluhome@gmail.com helbidean eta adostuko dugu, Errekaleorrera bila etorri behar duzun edo eramango dizugun.
Emakume honi esker ikasi genuen guk: Parte I, Parte II, Parte III eta Parte IV. Eskerrik asko, Claudia!
Harrigarria da zein azkar egiten den, ordu pare batean oihal ederra prest. Artilearen prezioa + arratsaldepasa atsegin baten truke. Ikusi orain arte egin ditugun gauzen argazki batzuk:
Ez izan lotsarik eta eskatu ehungailua! Gabonak pasa dira, urte berri ona hasi da!
Hurrengora arte!
Egilea: @revoluhome proiektua