Aurten 555 lagun arituko dira mintzapraktika egiten Gasteizen, baina oraindik egitasmoan izena emateko aukera dago, www.gasteizkomintzalaguna.com web gunean.
Mintzapraktika egiteko programak aurten dakartzan berrikuntzen artean, Mintzalagun tabernak egitasmoa aurkitzen da. Mintzalagunen gehiengo batek tabernetan elkartzea erabakitzen duenez, honen helburua, hain zuzen, mintzalagunak biltzeko hautatu dituzten taberna horiekin elkarlana sustatzea da eta taberna hauetara hurbiltzerakoan bermatua izango dute ahal den neurrian, euskarazko zerbitzua eta euskalduna den hizkuntz paisaia. Honekin batera, proiektu honetan parte hartzen duten tabernetan jarduera osagarriak antolatuko dira eta hurrengoak aurreratu zituzten.
- ‘Karakorum bizikletaz’ hitzaldia. Azaroak 18, 20:00etan, Hala Bedi tabernan
- ‘Mikologia ikastaro azkarra’. Azaroak 27, 19:30etan, Oasis tabernan (Judimendi)
- ‘Bertso-saio didaktikoa’, Abenduak 10, Taberna de los Mundos tabernan
- ‘Zerb garagardoa’ hitzaldia eta dastaketa. Abenduak 12, 20:00etan, Txistu tabenan
Ondoren Jon Plazaolak euskaldunon inguruko bakarrizketa dibertigarria eskaini zien bertaratu ziren guztiei. Luntx batek amaiera eman zion aurkezpen ekitaldiari.
Gasteizko Mintzalagunaren aurkezpena iruditan