“Sorkuntza prozesuaren bitartez bilatzeko proposamena da; lanerako hipotesia da bitartekoaren zabalkuntza sortu eta erreproduzitzea, argazkien sedimentazioaz, pertsonen arteko esperientzien feedbackaz eta argazki materialak horman duen kokapenaz ere baliatuz”.
Esan bezala, argazkiak dira erakusketaren ardatz nagusia, baina horiekin batera argiztapena, audio pieza bat eta horma-irudi bat erabiltzen dira. Hartara, erakusketa instalazio bihurtzen da, hasierako esanahia zentzumenen bidez hedatuz. “Ikus-entzunezko esperientzia da, leku misteriotsuetara eramango gaituena, intrigak, fantasiak eta poesiak beste dimentsio batean barneratuko baikaituzte. Irudiek bide bat jorratzen dute errealitatetik irudimenera, eta alderantziz. Amets-giro batera, ezezagunera, agertoki asmatu baina harrigarriro errealetara eramango gaituzte”, azaldu du.
Informazio gehiago: Montehermoso kulturunea