Gasteizko Udalak hilaren 15era arteko epea jarri dio France Telecom enpresari Lakua hotelaren teilatuan jarrita duen telefonia mugikorreko antena ken dezan, Ibaiondo ikastetxearen aurrean dagoena.
"Antena kenarazteko administrazio-prozedura abuztuan hasi zen, eta legezko izapide guztiak bete direlarik, datorren astean kendu beharko da antena", azaldu du Javier Maroto alkateak.
Horrekin batera, hilaren 29an, 18:30ean, jarduera pedagogiko bat egingo da Ibaiondo gizarte etxean. “Udalak antolatu du jarduera, eta Sindikoa arituko da moderatzaile, iritzi guztiak azaldu eta gaiari buruzko lan pedagogikoa egin ahal izateko, beharrezkoa dela uste baitut”, esan du alkateak.