Atariak, Salburuko hezeguneak interpretatzeko zentroak, oreinen marrualdia zuzenean behatu eta hobeto ezagutzeko jarduera bat antolatu du, udazken hasiera baita horretarako garaia; Hitzordua, urriaren 4an, ostiralean, izango da, 20.00etatik 23.30era.“Marrualdiaren gaua” berezia izango da Salburuan, giro ederrean gastronomia eta zientzia ezin hobeto uztartuko baitira. Egitarauak jarduera hauek hartzen ditu barne: Arkautiko aintziraren bisitaldia oreinak behatzeko; afaria Atarian, eta aditu baten hitzaldia, zeinak oreinekin loturiko zabalkunde zientifikoko gai interesgarrien berri emango baitu.
Jarduera 14 urtetik gorakoentzat da eta 20 € balio du. Gazteleraz eta euskaraz izango da.
Informazio gehiago: Ataria, Salburuko hezeguneak interpretatzeko zentroa