Hiru izan dira azken hilabete honetan Zabalgana auzoan gertaturiko emakumeen kontrako indarkeria kasuak. Azken biak, zehazki, aurreko igande eta astelehenean gertatu ziren. Zabalgana Batuz auzo elkarteak eta Bilgune Feministak gertaera horiek salatu nahi dituzte eta iragarri duten moduan, “emakumeak gutxietsi eta erasotzen dituen hauek bezalako kasu guztiak gaitzetsi eta arbuiatu nahi ditugu
Hitzordua datorren ostegunean izango da Zabalgana etorbide eta Nazio batuen etorbidearen arteko gurutzebidean.
“Gure elkartasuna helarazi nahi diegu erasotutako auzokide hauei zein mota hauetako egoerak jasaten dituen emakume orori, eta gertaera hauek salatzeko deia luzatzen dugu. Halaber, jokabide matxistekin amaitzeko neurri hezitzaile eta konzientziatzaileak har daitezela eskatzen dugu, berdintasunean oinarritutako gizarte bat lortzeko xedearekin, izan ere, erasoak guztion ardura den arazo bat da”, adierazi dute.
Noiz? Irailaren 12an ostegunean, 19.30ean
Non? Zabalgana etorbide eta Nazio batuen etorbidearen arteko gurutzebidean