Hori dela eta, anbulantzia pribatuetako langileek greba mugagabeari ekin zioten atzo, aurretik 24 orduko bost lanuzte egin ostean. Aipatutako langileek barkamena eskatu nahi diete erabiltzaileei, grebek eragiten dituzten eragozpenengatik. Izan ere, egun indarrean dagoen hitzarmenaren (2008-2012) puntu guztiak betetzeko eskatzen dute, akordio berri bat sinatu bitartean.
Gaur goizean, mobilizazioak egin dituzte Olagibel kaleko Arabako Osasun Lurralde ordezkaritzaren aurrean eta Santiago ospitaleko sarreran lotu dira. Arratsaldean, pikete informatiboak egingo dituzte hiriko ospitaleetan.
