Gasteizko Udalak %3,7n areagotu egingo ditu Jaietarako prestatutako garbiketa lanak. Guztira, 5.000 garbiketa lanaldi antolatu dira eta hamarnaka makina. Jai-egunetako garbiketaz gain, prebentzio garbiketa sakona eraman da aurrera uztailaren 17tik.
Leticia Comerón zinegotziaren hitzetan “planaren helburua zikinkeria gehien sortzen duten ekitaldiei zein aurrera eramateko garbiketa berezia behar duten ekintzei ahalik eta aurre-erantzun egokiena ematea da”.
Abuztuaren 4an, 92 pertsona eta 19 makina arituko dira txupinazo ostean plaza garbitzen. Aurtengo txupinazorako, jasotako botilen kopurua gutxitzea espero da. Zinegotziak, berriz ere, plazara kristalezko botilik ez sartzea gomendatu du.
Irudia: El Correo