Javier Maroto, Gasteizko alkateak, eskaera ofiziala egin dio Enplegu eta Gizarte Politiketako sailburuari, Juan María Aburtori, Santiago eguna (uztailak 25) eta Andra Mari Zuriaren eguna (abuztuak 5) jai egunak izateko datorren urtean.
Pasadan astean, Eusko Jaurlaritzak 2014 urterako egutegia onetsi zuen. Honen arabera, Santiago eguna ez litzateke jaiegun ofiziala izango Euskadi mailan. Beraz, Gasteizko Udalaren eta Arabako Diputazioaren esku geratuko litzateke jai izatea edo ez, izan ere, erakunde bakoitzak jaiegun bat ezarri dezake. Diputazioak San Prudentzio eguna (apirilak 28) aukeratu du eta Udalaren esku geratzen da Santiago eguna edo Andra Mari Zuriaren eguna jai izatea.
Marotok aurten jai izan den urriak 25 (Euskadiko eguna) indargabetuta geratuko delaren uste sendoa du eta, ondorioz, Enplegu eta Gizarte Politiketako sailburuari eskatu dio kontuan hartzeko bai uztailak 25 zein abuztuak 5 hiriarentzat duten garrantzia datorren urteko jaiegunak adosterako orduan.
Irudia: Gasteizko Ibiltariak