Uztailaren 12tik 14ra egingo die harrera Gasteizek atleta beteranoei (30 urtetik gorakoak). Mendizorrotza izango da aurtengo Espainiako Beteranoen XLVIII. Atletismo Txapelketaren egoitza.
Izen emateko epea itxita, 900 atletek hartuko dute parte lehiaketan. Parte hartzaileek proba batean baino gehiagotan jardun dezaketenez, guztira 2000 inskripzio egon dira. Modu honetan, Gasteizen baita antolatu zen 2009ko edizioko marka gainditu da, urte horretan 1690 izen eman baitziren.
Estatuko Autonomia Erkidego guztietako parte hartzaileek domina irabazteko aukera daukate, ez ordea delegazio internazionaletako kideek. Kirolari frantziarrek, italiarrek, uruguaitarrek, kolonbiarrek eta estatu batuetarrek lehiaren maila igoko dute nahiz eta podiumetik kanpo geratu.
Espainiako Beteranoen XLVIII. Atletismo Txapelketa
Noiz? Uztailaren 12tik 14ra
Non? Mendizorrotzako atletismo esparruan
Ordutegia:
Goizez: 10:00etatik 13:45era
Arratsaldez: 17:00etatik 22:00 zein 22:45era
