Gasteizko Alde Zaharreko Apaiztegiko kantoian igogailua eta arrapala mekaniko berriak jartzeko obrak martxan jarri ditu udalak eta aurreikusitako epeak betetzen baldin badira, 2014ko lehen hiruhilekoan egongo dira erabiltzeko prest. Aipatutako kantoiaren lehen zatian, Errementari kaletik Hedegile kalera artekoan, arrapala mekanikoak egongo dira.
San Pedro kantoian daudenen antzekoak izango dira hauek, baina estalkirik gabe. Arrapala hauek gorantz eta beherantz joateko bideak izango dituzte eta hortaz, igotzeko zein jaisteko erabili ahal izango dira.
Apaiztegiko kantoiaren bigarren zatian, hots, Hedegile kaletik Frai Zakarias kalera arte, igogailua jarriko dute.
Horrez gain, Ahateen Iturriaren plaza eraberrituko du udalak. Guztira, 1.198.018,11 euro inbertituko dituzte lan hauek aurrera eramateko.
ALEAren albisteak Whatsapp edo Telegram bidez jaso nahi dituzu?
WHATSAPP: Bidali ALEA hitza 645 66 86 02 telefono zenbakira.
TELEGRAM: Batu zaitez @ArabakoALEA kanalera.
ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Zuk ere gurekin bat egin nahi al duzu?