‘Erreferentziak 1974-2013’ izeneko erakusketa zikloa jarri du martxan Montehermoso Kulturuneko Dokumentazio Zentroak, helburu bikoitzarekin: batetik, zentroan dauden dokumentu funtsen berri ematea (bibliografikoak, soinuzkoak eta/edo ikus-entzunezkoak) eta bestetik, azken urteetako arte jarduera nagusien bilakaera erakustea.
Horrela, egungo arte ekoizpenaren eremu eta eraldaketa desberdinetara hurbilduko da erakusketa hau, zentroa zabaldu zenetik bildu dituen dokumentu funtsen bidez.
Lehenengo erakusketa honetan lan bideografikoa izango da ikusgai. Funts bibliografikoen (liburuak eta aldizkariak) hautaketa abiapuntu hartuta bitarteko horren, eta artista zein lan garrantzitsuenetarikoen arteko baten edo besteren bilakaeran izan diren une aipagarrienak aztertzen dira, bai eta artearen munduari egiten dizkioten ekarpen estetiko eta kontzeptualak ere. Ikus-entzunezkoen funtseko entzunezko eta/edo bideo zatiek osatzen dituzte material horiek, norbanakoek Dokumentazio Zentroan kontsultatu ditzaketenak osotasunean.
Erakusketa hau irailaren 29ra arte egongo da zabalik.
Informazio gehiago: Montehermoso kulturunea