Josu Mendoza gazteak Etxaguenen aurkitu zituzten guda zibileko hilobien gaia jorratu du ‘Etxagueneko hilobiak’ artikuluan eta erreportaje onenaren saria irabazi du. Horregatik, E-irakurgailua eta diploma bat jaso ditu.
Ion Alburquerque ikasleak ekologiaren eta bizikletaren erabileraren inguruko hausnarketa egin du ‘Merezi al du ekologikoak izateak?’ lanean eta lehiaketaren bigarren saria lortu du. Irabazi duen saria euskal taldeen disko sorta bat izan da.
Horrez gain, erreportaje irabazleak Hirineten argitaratu dira.
1.saria: ‘Etxagueneko hilobiak’, Josu Mendoza
2.saria: ‘Merezi al du ekologikoak izateak?’, Ion Alburquerque
Zorionak Josu eta Ion!!
Kazetari Gazteak I.Lehiaketak Arabako gazteen artean kazetaritza-zaletasuna eta euskararen erabilera sustatzea izan du helburu eta bertan hiriko ikastetxe ezberdineko ikasleek hartu dute parte. Lehiaketan aurkeztu diren lan guztiak baloratzeko eta irabazleak erabakitzeko kazetariz osatutako epaimahaia izan dugu; David Mangana, Itsaso Estarrona, Ane Pedruzo, Ruth Larretxi eta Saioa Fdz.de Arangiz izan dira epaimahaikideak.
Mila esker parte hartzaile guztiei!