Oposizioak, aldiz, Elurteei aurre egiteko Planaren datuak emateko orduan “datuak faltsutzea” eta “informazioa ezkutatzea” leporatzen dio zinegotziari. Gasteizko Udalean gaitzespen ofizial bat egiten den lehen aldia da. Hala ere, osoko bilkuran onartu den gaitzespen ofizial hau ‘zigor sinboliko” bat besterik ez da, ez du ondoriorik edukiko eta Castellanosek ez du bere karguari uko egin beharko. Javier Maroto alkateak Castellanos babestu du eta Idoia Garmendia zinegotziak, bere aldetik, gaitzespen hau “neurrigabea eta arrazoirik gabekoa” dela adierazi du. “Castellanosek lau aldiz eskatu zuen barkamena eta ez du gezurrik esan”, esan du.