“Beste behin ere, Encina Serranok eta Gasteizko udal gobernuak sentsibilitate urria erakutsi dute Gasteizko euskaldunokiko, euskararekiko eta tokiko kulturarekiko orokorrean. Euskara eta euskaldunok bigarren mailako hizkuntza eta bigarren mailako herritarrak izango balira bezala tratatzen dituzte, agerian geratu denez zinegotziak egindako aurkezpenean. Bertan, gaztelerazko obra guztiei errepasoa egin bazien ere, euskarazko bakarra ez zuen aipatu”, azaldu du Aralarrek.
Euskaraz eskainiko den lan bakarra ekainaren 6an ikusgai izango den ‘Emaztegaiaren semea’ izango da.