Oinarriek zehazten duten moduan, hiriko merkatariek honako jarduera hauek gauzatzeko diru-laguntza jasoko dute:
- Merkataritza establezimenduen kanpo errotulua aldatu eta bertan euskara sartzeko
- Web orriak itzultzeko eta egokitzeko, euskaraz eta gaztelaniaz egon daitezen
- Establezimenduaren hizkuntza egoeraren diagnostikoarekin, ebaluazioarekin edo zertifikazioarekin lotutako gastuak, esklusiboki horretan ari diren entitateek eginda denean
Informazio gehiago: Merkataritza arloan euskararen presentzia sustatzeko diru-laguntzetarako deialdiaren oinarriak
Horrekin batera, 2013-2014 ikasturtean aisialdian eta kirol arloan euskara sustatzen duten proiektuak diruz lagunduko ditu Gasteizko Udalak. Hiru dira laguntza hau eskatzeko aukera izango dute egitasmoak:
- Euskaltegiek antolatutako ekintzak, ikasleak euskarazko eskaintzara hurbiltzea eta ikaste-prozesua azkartzea helburu dutenak
- Guraso-elkarteek ikastetxeetan antolatuko ekintza edo jarduera ez ohikoak, ikasleen artean sentsibilizazioa edo euskara erabiltzeko ohiturak sortzea helburu dutenak
- Oro har, aisialdian edo kirol arloan euskararen erabilera sustatzeko proiektuak
Gasteizko udalerrian burutzen diren egitasmoek soilik jaso ahal izango dituzte diru-laguntzak.
Informazio gehiago: Euskararen erabilera sustatzeko proiektuak egiteko diru-laguntzetarako deialdiaren oinarriak