San Prudentzio Arabako zaindariaren ohorezko jaiak hasi dira dagoeneko Arabako puntu ezberdinetan. Jaia berez apirilaren 28an izan arren, egun batzuk lehenago hasten dira ospakizunak eta apirilaren 23an Maider Unda borrokalarika eta Patricia Elorza eta Eli Pinedo eskubaloi jokalariek jaiak igartzeko pregoia irakurri zuten.
Ordu horretan, 21.00etan, Gasteizko Probintzia plazan kokatzen den Aldundiaren jauregiko balkoira mugituko da ospakizuna, bertan danborraden erretreta hasi egingo baita. Danborradan Arabako sukaldariak eta elkarte gastronomikoen ordezkariak biltzen dira, amantala eta kapela handiak eramaten dituzte, eta hiriko kaleetan barrena kalejira egiten dute txistu zein danborraren soinuen laguntzaz. Arabako Foru Aldundiko eta Gasteizko Udaleko tronpetari eta atabalariak egongo dira bertan. Erretreta joaldien artean, talde hauen emanaldiak izango dira: Garikoitz & Furundarena, Folkon eta Indarra Dantza Taldea.
Horren ostean, 1.00etan, eta dantzarako gogoak mantentzen dituenarentzat, herri dantzaldia izango da Arka plazan, Joselu Anaiak musika taldearen eskutik.
Apirilaren 28an, urtero bezala, Armentiako zelaiak dira protagonistak, San Prudentzio egunean bertan kokatzen den basilikaraino erromeria herrikoi eta jendetsua egiten baita. Horrekin batera, haurren danborrada ospatuko da erdigunean, arratsaldeko 18.00etatik aurrera.
Apirilaren 28ko programa, Armentian
11:00 Prozesioa basilikaren kanpoko aldean eta, ondoren, meza
12:00 Elizkizunak amaitutakoan, ohorezko aurreskua
12:00 Armentiako zelaiak: dantzarien emanaldia (Arabako Dantzarien Biltzarraren eskutik, Eguzkilore dantza taldea)
12:30 Herri kirolen erakustaldia, Txapelketa, Urrezko aizkolariak - elite maila
12:00 - 14:00: Txahal errearen dastatze solidarioa
18:00 Kontzertua Armentiako zelaietan: Sukar musika taldearen emanaldia
18:00- 21:00: Txarangak eta trikitixa herriko kaleetatik
Haurren danborrada, erdigunean
Noiz: Apirilaren 28an, 18.00etik 20.30ak arte
Ibilbidea: Doña Otxanda dorretxea, Probintzia plaza, Andre Maria zuriaren plaza, Plaza berria, Probintzia plaza.
Danborrekin batera, barraskiloak eta perretxikoak protagonistak izango dira egun hauetan. BI jaki hauek modu tradizionalean prestatzen dituzte: perretxikoak zartaginean pixka bat pasatu eta gero arrautzarekin nahastu behar dira. Barraskiloei dagokienez, uretan hainbat aldiz garbitu eta tomatez, kipulaz, berakatzez, piper lehorrez, txorizoz eta txerri solomoz (edo urdaiazpikoz) egindako saltsan prestatuko ditugu.
On egin eta jai zoriontsuak pasa!
Informazio gehiago: San Prudentzioa egitaraua