‘Beste galdera bat’, Uxue Ruiz de Arkauteren bertsoa

Seiehun preso baino gehioren
eskubide urratua
Eta hamabost, gaixo larriek
jasaten duten patua.
Parot doktrina aplikatzea,
bizi zigor luzatua.
Dispertsioak  ezartzen duen
herrimin inposatua.
Oraindik ere presentzia duten
torturen odol-putzua,
eta herri baten malkoetatik
oihu manipulatua
Espetxetako politika den
eskasa ta mugatua
hedatu heinean, gorrotoari,
piztu egiten zaion sua
Behin egina dut galdera bati
erantzuteko hautua:
Herri honetan zeri esaten
diogun bake prozesua?

Doinua entzuteko sakatu hemen