Bere lehen diskoan, Mantisakoak hardcore, rock eta punk-rockaren estiloan murgildu ziren, eta beren lan berri honetan, beste norabide musikal bat hartu dutela esan daiteke. Aldaketak izan dira Mantisa taldean; hain zuzen ere, teklista bat sartu da, eta horrek beste ukitu bat eman dio taldeari. 2012ko abuztuan eta irailean zehar grabatu du Mantisak estudioko bigarren diskoa: Plethora. Disko berriak 10 abesti ditu, ardatz melodia harmonizatukoak. Oso erritmo landuak dituzte, eta batzuetan, sinkopatuak.
Letretan, gizakiaren sentimenduak aipatzen dituzte Mantisakoek, eta beldurrari aurre egiteko egoerak (larrialditan), etorkizunak berekin duen zalantza eta iraganeko oroipenak (hondarrak), animalien sufrimendua (arrantza txapelketa), gizabanakoaren esanahia (Plethora), eta gaur egungo gizartea gori-gorian dauden beste gai batzuk. Azken batean, albuma lehen aldietan entzutean, harrapatu eta ezinbestekoan bilduko zaitu, eta hurrengoetan entzuten denean, taldearen xehetasun landuak hautematen dira.
Informazio gehiago: www.mantisataldea.com
Argazkia: Gorka Lasa