Halaber, senar-emazte eta bikoteak ere ez nituzke albo batera utzi nahi, izan ere zinez interesgarria da elkarrekin jarduera fisikoa egitea. Egia esan, bikoteaz gozatzeko beste modu bat da, ingurune eta egoera berri batean bikote, paisaia eta ariketaz elkar gozatuz, komunikazioa testuinguru berri batean burutuz, maitasuna puri-purian azaleratuz…
Bestetik, seme-alabak izanez gero, familian burutzeko ibilbide paregabeak dira, zailtasun gabeak direlako eta naturaren garrantziaz eta bere balioaz ohartarazi diezaiekegulako.
Azken heinean, lagun zein bikote zein familian ondo pasatzea da xedea, hiriak eskaintzen dituen toki anitz eta berdeetan dagoen isiltasun, fauna eta flora gertutik bizituz. Modu honetan, deskonektatzeko modu aparta da, norbere burua lasaitu eta ondorengo beharrak umore eta gogo handiagoz hartzeko.
Gisa honetan, hiriak eskaintzen dituen gune berde aipagarrienak “Eraztun Berdea” osatzen dutenak dira: Errekaleor, Zabalgana, Olarizu, Salburua, Armentia eta Zadorra. Toki lauak eta atseginak dira eta beraz oinez, lasterka zein bizikletan burutzeko apartak. Horrez gain, aipatu beharra dago ibilbidean zehar informazio guneak daudela, beraz, ez dago galtzeko arriskurik.
Honelako natur-parkeetara joateko autoaren beharrik ez izatea, zortedunak garela esateko aitzakia paregabea da, beraz, goza dezagun daukagun altxorraz.
Anima zaitez gure eraztun berdea bertatik bertara ezagutzera!!!!!!
Informazio gehiago: Gasteizko Eraztun Berdea
Egilea: Mikel Villarrolain