Martxoak 3ko elizan gaua pasa ostean, gazteek apaizaren bisita jaso dute. Apaizak bere oniritzia eman die eta momentuz bertan aste osoa pasatzeko asmoa dute.Gauzak horrela martxoaren 3an urtero ospatzen den manifestaldi jendetsuaren ostean gazte uholdea abiatu zen Zaramaga auzoko San Francisco de Asis elizara, bertan asanblada jendetsu bat egin eta apaizarekin hainbat tirabira eduki ostean gazteek bertan geratzeko hautua egin zuten.
Oraingoan Gasteizko herri sektore ezberdinei elkarlanerako gune aske bat eskaintzea izan dute helburu, euren esanetan, “herri sektorearen batasunarekin soilik etorriko baitira benetako iraultza emateko aukerak”.
Atzo arratsaldeko 8etan, 400 bat pertsona batu zituen asanblada burutu zuten, bertan ekimenaren aurkezpena egin eta hemendik aurrerako planteamenduak argitu zituzten.
Herri elkartasuna jasotzeko denbora ere izan dutela adierazi dute gazteek, esaterako mantak, koltxoiak eta janaria eraman dizkiete. Gainera Gasteizen borrokan dagoen Laminaciones Arregi enpresako langileek gosaria prestatu diete.
Gaur, 17.00etan herri mugimenduaren espresio ezsberdinekin egingo dute asanblada. 20.00etan, eta egunero, asanblada orokorra egingo dute.