Pou anaiek Argentinako Patagonian kokatzen den Torre mendiaren gailurrera heltzea lortu dute. Iker eta Eneko 3.133 metroko gailur ospetsura iritsi dira eta “munduko politena” dela adierazi dute euren web gunean.
Izan ere, Torre mendia erreferentziazko gailurra da eskalatzaile guztientzat, “sortu dituen kondaira eta eztabaidak” direla medio. Eskalatzaile gasteiztarrak 1974.urtean Casimiro Ferrarik zabaldu zuen ‘Ferrari’ bidetik igo dira gailurrera. “Mundu mailan dauden bide glaziar garrantzitsuenen artean aurkitzen da”, aitortu dute anaiek.
ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Zuk ere gurekin bat egin nahi al duzu? Aukera ezberdinak dituzu gure proiektuarekin bat egiteko.