Hirinet atari digitalak 'Kazetari gazteak' lehiaketa antolatu du, Arabako gazteen artean kazetaritza-zaletasuna eta euskararen erabilera sustatzeko. Horretarako, parte-hartzaileek erreportaje bat egin beharko dute, Araban suertatu den gertakari baten berri emanez. Informazio iturri ezberdinak lantzea eta idazkera zuzena eta euskara egokia erabiltzea izango dira kontuan hartuko diren irizpide nagusiak.
PARTE-HARTZAILEAK
Lehiaketa Arabako 12 eta 18 urte bitarteko gazte guztiei zuzenduta dago.
Idatzizko erreportajea banaka egin behar da. Bideo-erreportajea, berriz, taldeka egin behar da eta talde bakoitzean gutxienez hiru eta gehienez bost parte-hartzaile egon daitezke.
GAIA
Erreportajearen gaia guztiz librea da, baldintza bakarra Araban jasotako gertakari baten ingurukoa izatea da.
SARIAK
Idatzizko erreportajea
1.saria: E-irakurgailua
2. saria: Disko sorta
Bideo-erreportajea
1.saria: Asteburuko txangoa
2. saria: Disko, liburu eta DVD sorta
Lan sarituak Hirinet atari digitalean argitaratuko dira.
IRIZPIDE NAGUSIAK
Idatzizko erreportajeek gutxienez 700 hitz eta gehienez 2.500 hitz izango dituzte eta DIN A-4 neurrian aurkeztuko dira ordenagailuz idatzita. Gainera, testua lagunduko duten argazkiak agertzea beharrezkoa izango da. Argazki hauek parte-hartzaileek egin behar dituzte eta gutxieneko erresoluzioa 150 ppp-koa izango da.
Bideo-erreportajearen luzera, gutxienez hiru minutukoa eta gehienez 10 minutukoa izango da. AVI edo mp4 formatuan entregatuko da CD edo DVD batean. Bideo-erreportajea posta elektronikoz bidaltzen bada, aldez aurretik, Youtubera edo Vimeora igo eta esteka bidali behar da.
Oharra: Irudietan agertzen diren pertsona guztien baimena izatea ezinbestekoa da, Hirinet-ek lan sarituak sarean argitaratzeko eskubidea izango duelako.
EPEA
Lanak bidaltzeko azken eguna: 2013ko Maiatzaren 3a
EPAIMAHAIA
Kazetaritzan adituak diren pertsonek osatuko dute Epaimahaia eta bere erabakia apelaezina izango da. Balorazioa egiteko, informazio edukia, tratamendua eta euskara zuzena erabiltzea hartuko ditu kontuan. Epaimahaiak bere esku izango du aipamen berezia(k) egiteko aukera. Sariak hutsik utzi ahal izango ditu Epaimahaiak, baldin eta aurkeztutako lanek, bere iritzian, behar adina kalitaterik ez badute. Lehiaketa honetan parte hartzeak oinarri guztiak onartzea dakar.
NORA BIDALI
Lanak bidaltzeko bi modu daude:
- Posta elektronikoa: erredakzioa@hirinet.net
- Posta arrunta
GEU elkartea
Rogelia de Alvaro Elkarteen Etxea (C eraikina, 1.1 bulegoa)
Panama kalea z/g
01012 Gasteiz
Hirinet Kazetari Gazteak I.lehiaketaren oinarriak PDF-an
