ARIESGARAI Martxoak 21 – apirilak 21 . “Batzutan erabakirik onena erabakirik ez hartzea da, eta hori ere erabaki bat da” (Mariano Raxoi, 2014ko otsailaren 14an). Bada: datozen asteetan, zure zalantzarik zailena zalantza egin edo zalantzarik ez egin zalantza egitea izango da.
|
|
TAUROGOITI Apirilak 22 – maiatzak 21 Hemendik aurrera, sobrezko deskafeinatua eskatu ezazu. Ea PP-ko hainbat karguk bezala zuk ere zerbait aurkitzen duzun sobrean...!
|
|
g |
GEMINIZKETA Maiatzak 22 – ekainak 21 “Agur. El duque em…Palma…do” (Mikel Urdangarin, 2003ko uztailaren 7an). Gasteiztarrik ospetsuenak horrela sinatu zuen infanten idazkariari idatzitako e-mail bat. Odol urdina baino, odol berde-lizuna du Urdangak (baita izenean ere :). Nork esango du orain gasteiztarrak hotzak garela eta gurekin ez dagoela txortan egiterik? Datozen hilabeteetan, zuk ere zure odolik “green”ena baliatuko duzu! (baina kontuz e-mailak sinatzerakoan...).
|
KANTZERAUNDIARENA Ekainak 22 – uztailak 22 Bada garaia Excell erabiltzen ikasten hasteko, ez da? Ala Bárcenas-en eredu traketsa jarraituko duzu kontuak egiteko?
|
|
LEOPERURENA Uztailak 23 – abuztuak 22 Ez galdetu. Zuk ez galdetu eta agian Jaguar bat aurkituko duzu garajean, Ana Mato Osasun Ministroak bezala. Ez galdetu, eta Luis Vuitton zorroa aurkituko duzu armairuan, Rita Barberák bezala, edo milioika euroko transferentziak kontu korrontean, Cristina Infantak bezala. Datozen asteetan, ez galdetu... eta zorte on!
|
|
VIRGOYENA Abuztuak 23 – irailak 23
Ez kezkatu 50 euro edaten badituzu datorren larunbatean. Gasteizko Blusa eta Nesken koadrilek Udalak emandako 65.000 euro edango dituzte jaietan, gutxi gora gora.
|
|
LIBRAZABAL Irailak 23 – Urriak 22 Krisiari aurre egiteko, Txoroskopoak aholku bat ematen dizu, Librazabal izateagatik: asmatu ezazu hegoak dituen bizikleta bat edo ikusezina bihurtu daitekeen txirrindua bat, Gasteizko erdialdetik ezin izango garelako bizikletaz ibili...
|
|
ESKORPIOKORTABARRIA Urriak 23 – azaroak 22 Negu honetan... bizitzarekin Txotx! egingo duzu. Positibo emango duzu bizimetroan...
|
|
SAGITONDO Azaroak 23 – abenduak 22 Aita Santuak dimisioa aurkeztu du, baina datozen gabonetarako kontutan hartu beharreko zerbait jakinarazi digu: jaiotzan ez zegoen ez idirik ez astorik!!!! Zerbait erabaki beharko dugu Floridako jaiotzaren inguruan, ala zer? (P.D.: mito guztiak eroriko zaizkizu neguaren amaieran).
|
|
KAPRIKORNITEGI Abenduak 23 – urtarrilak 20
Hurrengo meteoritoa zure gainean eroriko da baina ez da asteroide edo kometa zatitxo bat izango, bizitzaren sorpresa sutsua baizik! Ez zaitez meteoritoaren bidetik kendu! |
|
AKUABARRI Urtarilak 21 – otsailak 19 ' “Euskalmetek elur gutxi aurreikusten zuen”. Hori izan zen Javier Maroto Gasteizko alkateak elurtearen kudeaketaz galdetu ziotenean. Beraz, badakizu, hurrengo elurtean lanera bizpahiru ordu berandu iritsi eta formula magikoa erabili! “Euskalmetek elur gutxi aurreikusten zuen...”. |
|
PISZIBURU Otsailak 20 – Martxoak 20 Soilik hildako arrainek egiten dute igeri uraren norabide berean. Alemaniako atsotitza da, baina horrek ez du esan nahi alemaniarren norabide berean igeri egin behar dugunik, ez...?
|
ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Zuk ere gurekin bat egin nahi al duzu? Aukera ezberdinak dituzu gure proiektuarekin bat egiteko.