Martxoak 3 elkarteak gertatutakoa gogor salatu du eta kartelak orain 37 urte gertatutakoa gogoratzeko “erreferentzia” bat direla adierazi dute. Guzti hau salatzeko eta erantzun bateratu bat eman nahian, batzar irekia burutuko dute urtarrilaren 14an, 19.00etan M3moria gunean.
Posta elektronikoz bidalitako “Urte berri on, muralak kenduta daude” mezuarekin jakinarazi zieten Zaramagako elizako arduradunek Martxoak 3 elkarteari biktimen omenez muralak erretiratu zituztela. Muralak 2011ko irailean jarri zituzten Zaramaga auzoko Frantzisko Asiskoaren elizaren kanpoaldean, Martxoaren 3koaren plazan.
“Oroimena. Egia. Justizia” leloarekin 1976ko martxoaren 3an Espainiako poliziak hildako 5 gasteiztarren omenez. Aipatutako mural hauek auzolanaren bitartez egin ziren auzoko jaietan, hain zuzen, sarraskiaren 35.urteurrena bete zenean.
Izan zaitez ALEAkide!
ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Zuk ere gurekin bat egin nahi al duzu? Aukera ezberdinak dituzu gure proiektuarekin bat egiteko.