Horrela, eta Gabonetako kanpaina amaitu denean, aipatutako kamiseta jasoko duten pertsonaien izenak ezagutzera eman dute. Nelson Mandela Hegoafrikako presidente ohia, Marivi Bilbao aktorea, Bruce Springsteen eta Shakira abeslariak, Fidel Castro, Melendi, Gaizka Toquero eta Mario Casas dira, besteak beste, bozketa herrikoiaren bitartez aukeratuak izan direnak. Guztira, 616 izan dira jaso diren botoak.
Hemendik aurrera, antolatzaileen lana izango da 10 kamiseta hauek euren jabeei helaraztea. Bitartean, eta Araba Euskaraz 2013 datorren ekainaren 16an Amurrion ospatu bitartean, kamisetak, jertseak, USB memoriak, kikarak edo arkatzak eros daitezke online dendan.