Euskal Herria- Palestina Sarea- Gutuna
Zoritxarrez beste behin ere Palestina eta zehazki Gazarren aurkako erasoak ez du etenik. Egunotan ehundik gora lagun erail ditu Israelgo estatu terroristak eta lur eraso baten zurrumurrua indarra hartzen ari da. Euskal jendartea eta nazioarteko eragile eta norbanakook ezin diogu bizkarra eman genozidio etengabe honi. Honegatik kalera ateratzeko unea da, palestinarren eskubideak aldarrikatu eta estatu sionista irmoki salatu eta nazioarteko komunitatearen konplizitatea salatzekoa.
Zentzu honetan ez dugu beste biderik Israelen aurkako BDS (Boikot Desinbertsio eta Zigor) ekimena indartu eta arloz arlo gauzatu baino. Presio eta borroka bidez lortuko dugu, behingoz giza eskubideak errespetatu eta zapalkuntza etengabearekin amaitu dezan sionismoak.
Noiz? Azaroaren 22an, ostegunean, 19:30ean.
Non? Gasteizko Posta Plazan.
Euskal Herria- Palestina Sarea
ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Zuk ere gurekin bat egin nahi al duzu? Aukera ezberdinak dituzu gure proiektuarekin bat egiteko.