Hona hemen zuen literatur proposamenak:
‘Twist’, Harkaitz Cano
Iñaki Larrañaga: “Nik Harkaitz Canoren ‘Twist’ eleberria irakurri berri dut. Istorioa ez ezik, pertsonaien barne munduen azterketa ia kirurgikoa da gehien gustatu zaidana. Canok jostarratza behar den lekuan jartzen du, minik eman gabe bizitzako samin intimoak zer diren kontatzeko. Biziki gomendatzen dut”.
‘Antzararen bidea’, Jokin Muñoz
Xabier Rico: “Gerra Zibilaren garaiko giroa eta oraingoa korapilatzen dira kontakizun harrigarri batean. Iraganaren bila joateko jakniminak zer ekar dezake? Donostian eta Nafarroako Erriberan kokatua dago.”
Saioa: “Astiro-astiro irakurtzeko eta gozatzeko liburua da: hitzak oso ongi hautatzen ditu idazleak, pertsonaien ñabardurak erakusteko, eta irakurketa atsegina da”.
‘Ni,Vera’, Itxaso Martín Zapirain
Gregoria Martinez Urarte: “Zoramena zertan datzan jakiteko. Oso gomendagarria benetan”.
‘Narrazioak’, Joseba Sarrionandia
Manu: “Euskal literaturarekin lotu ninduen liburua”.
‘Bilbao - New York – Bilbao’, Kirmen Uribe eta ‘Lekuak’, Bernardo Atxaga
Joseba Ruiz Molinuevo: “Ez dakit gogokoenak diren, baina irakurri ditudan bi azkenekin benetan disfrutatu egin dut”.
‘Nora ez dakizun hori’, Irati Jimenez
Arantza Hernandez: “Maitasunezko istorioa izateaz gain, ezinezko pertsonaiak agertzen dira nobela honetan. Mundu fantastiko batean murgilduko zarete!”.
‘Pantaleon badoa’, Patxi Zubizarreta
Aranzazu Gracianteparaluceta: “Mundu ezberdina azaltzen du. ‘Printze txikia’ modukoa, sentsibilitate osorik edonork irakurtzeko. Zorionak Patxi Zubizarreta!