Gasteizko Irakurle Klubak 2012/13 ikasturteko egitaraua prestatu du eta horren berri emateko ekitaldia antolatu du urriaren 4an, Florida parkeko Ignacio Aldecoa Kultur Etxean. Ikasturtea behar bezala aurkezteko, Mikel Elorzaren ‘Lp bat poema’ hitzaldia eskainiko du. Elorzaren ustetan, “poesiaren elementu baitako bat da musika, erritmoa, doinua; horretaz gain, ordea, musika, kantuak zehazki, poesiaren etxea askori ireki digun giltza izan da.
Belarrietatik iritsi zaizkigu hainbat poema, gerora begietaratu ditugunak. Autore klasikoetatik XXI. mendekoetara, gure hainbat kantarien poesiaren iturrira jo du, eta haiekin gu, ur horien edatera. Ikus dezagun, edo entzun, bizitza bateko lp bat".
Noiz? Urriaren 4an, 20.00etan
Non? Ignacio Aldecoa Kultur Etxeko erakusketa aretoan
Zer? Mikel Elorzak ‘LP bat poema’ hitzaldia eta Gasteizko Irakurle Klubaren 2012/13 ikasturteko egitarauaren aurkezpena.
ALEAren albisteak Whatsapp edo Telegram bidez jaso nahi dituzu?
WHATSAPP: Bidali ALEA hitza 645 66 86 02 telefono zenbakira.
TELEGRAM: Batu zaitez @ArabakoALEA kanalera.
ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Zuk ere gurekin bat egin nahi al duzu?