Hirinet, 3 hilabete 12.000 bisita

hirinet 2012ko uzt. 19a, 14:36
hirinet-3-hilabeteHiru hilabete igaro dira, Hirinet ataria jaio zenetik. Gasteiztar euskaldunon euskara hutsezko web gunea izateko sortua, hiriko eta inguruetako kontuen berri ematen saiatzen da egunero, beti ere, euskaldunon intereseko gaiei lehentasuna emanez. Urratsez-urrats, pixkanaka eta ilusio osoz, erabiltzaileen komunitate anitza eta sendoa eratzen ari gara Hirinet-en inguruan.
Izan ere, gero eta gehiago dira euskaldunon ataria ezagutzera animatzen direnak. Datuek horrela adierazten dute; apirilaren 19an sareratu zenetik, 12.000 bisita izan ditu GEU elkartearen ekimenak eta denbora honetan erabiltzaileak 32.000 orrialde baino gehiagotan murgildu dira, Hirinet-eko atal desberdinak deskubrituz. Eta ez hori bakarrik. Sare sozialak bidailagun izan ditu Hirinet-ek eta bere oihartzuna zabaltzeko ezinbesteko tresna bilakatu dira. Besteak beste, 500 baino gehiago dira Hirinet-ek Facebook-en dituen lagunak eta egunero gure lana inguruko euskaldunon guztien artean zabaltzen laguntzen gaituztenak.

Horrez gain, 1.600 erabiltzaile baino gehiago dira hilero e-postaz Euskararen Agenda zein Hirinet-eko buletinak jasotzen dituztenak, non Arabako euskarazko ekintza guztien zein webgunean sareratu diren azken momentuko artikuluen berri izaten duten.

Hori dela eta, Hirinet-ek erabiltzaile guztioi eskerrak eman nahi dizkizue, baita Hirinet posible egiten duten kolaboratzaile, parte hartzaile eta laguntzaile guztiei. Mila esker guztioi!

ALBISTEAK MUGIKORREAN

ALEAren albisteak Whatsapp edo Telegram bidez jaso nahi dituzu?

WHATSAPP: Bidali ALEA hitza 645 66 86 02 telefono zenbakira.

TELEGRAM: Batu zaitez @ArabakoALEA kanalera.


ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Zuk ere gurekin bat egin nahi al duzu?


Izan zaitez ALEAkide