Lesbiana, gay, bisexual eta transexualen eskubideen aldeko nazioarteko eguna

hirinet 2012ko eka. 28a, 11:46
lesbiana,-gay-maniatxikiGaur ekainak 28 lesbiana, gay, bisexual eta transexualen eskubideen nazioarteko eguna da eta hamaika dira egunean zehar gauzatuko diren ekintzak, non transexualen, bisexualen, lesbianen, gayen eta queer-en sexu askapena aldarrikatuko den.
Gasteizen, esaterako, Menos Veinte taldeak antolatu du Andra Mari Zuriaren enparantzatik 20:00etan abiatuko den manifestazioa, ‘Zuen infernua, gure paradisua’ leloarekin.

Antolatzaileen esanetan, “alaitasunezko egun” hau, kolektibo hauen eskubideei eusteko borroka egun bat ere bada. Besteak beste, EHGAM taldea Euskal Herriko kale eta plazetara aterako da; lesbiana, gay eta transexualen elkarterekin, lesbo-homoparental familiekin, gay, lesbiana eta transexualen gurasoekin eta hiesaren aurka borrokatzen ari diren taldeekin, besteak beste. Izan ere, sexualitatearen askapena “pertsona guztien kontua” dela nabarmendu du EGHAM mugimenduak eta hori dela eta herritar guztiak “kontzientzia hartzera” gonbidatzen dituzte, sexofobiaren aurkako borrokan denok bat egin dezagun.

 

lesbiana,-gay-mania

ALBISTEAK MUGIKORREAN

ALEAren albisteak Whatsapp edo Telegram bidez jaso nahi dituzu?

WHATSAPP: Bidali ALEA hitza 645 66 86 02 telefono zenbakira.

TELEGRAM: Batu zaitez @ArabakoALEA kanalera.


ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Zuk ere gurekin bat egin nahi al duzu?


Izan zaitez ALEAkide