BERTSOLARITZA, “EKINTZA EXOTIKOA”Errealitatea guztiz desberdina dugu. Zur eta lur geratu gara, Udalaren eskaintza kulturalaren berri izan dugunean, eta bertan, euskara hutsean egiten den ekintza bakarra, “Bertsoaren saltsan”, ezabatua ikustean. Bakarra esaten dugu, zeren eta euskaraz egiten diren beste ekintza guztiak, gaztelerazko baliokidea dute.
Alkate jaunak ekintza exotikoak kentzeko asmoa azaldu zuen. Izango ote da bertsolaritza “ekintza exotikoa” dela? Erabaki hau oso larritzat hartzen dugu, euskal kulturaren aurka doala iruditzen zaigulako. Gure desadostasuna adierazten diogu Udalari eta erabakia bertan behera utzi dezala exijitzen diogu.
Sinatuta: Ainara Balantzategi Ibargoitia, Bertsoaren Saltsan bertso-eskolako 7 kide eta Arabako Bertsozale Elkartea