Aurtengo programan dagoen berritasun nabariena Mari Domingi Olentzeroren desfilera gehitu dela da. Olentzero abenduaren 24an helduko da Gasteizera, goizeko 11.00etan. Goiz osoa emango du Udaletxean eta nahi dutenak bertara gerturatu daitezke, Olentzerori gutuna ematera.
Arratsaldean Olentzeroren desfilea ospatuko da; 18:00etan hasiko da Iparralde Gizarte Etxean eta hurrengo ibilbidea egingo du: Iparralde Gizarte Etxea, Legutianoko Ataria Kalea, Frantzia Kalea, Bakea Kalea, Olaguibel Kalea, Plaza Berria.
Bertan erraldoiak, buruhandiak, galtzagorriak eta Gargantua egoteaz gain, Olentzeroa eta Mari Domingi ere egongo dira. Izan ere, Mari Domingi eta Olentzeroa desfilearen lehenengo karrozan joango dira. 375 parte-hartzaile egongo dira orotara.