FUNTZIONAMENDUA ( lau urratsetan)
1- Irakurleak, Udal liburutegiko mailegu zerbitzua erabiliz, nahi duen euskarazko liburua eramango du etxera han irakurtzeko
2- Behin liburua irakurrita, liburutegia itzuliko du eta hori egitean irakurle-fitxa erraz bat beteko du.Fitxa betetakoan erosketa-txekea emango diote liburutegian bertan.
3- Erosketa-txeke horrekin erosiko duen euskarazko beste edozein libururen prezioaren %25 ordainduta edukiko du. ( Irakurlea; euskara ikasle, elkarte antolatzailearen kide edo Mintzalagunaren partaide izanez gero, txekeak %50ko balioa izango du)
4- Irakurleak txekea erabiliz erosi duen liburua lagun-ikaskide-senideren bati oparituko dio ( edo bere buruari), irakurketarekin gozatzen jarratitzeko.
EKINTZA OSAGARRIAK ( ZUIAko kuadrillan)
Kuadrilletako lau Udal liburutegietako bakoitzera Arabako idazle ezagunen bat joango da bere azken liburuari buruzko solasaldia eskeintzera. Lehengo biak maiatzaren bukaeran izango dira eta gainontzekoak ekainean. Maiatzaren 29an, asteartea, 20:00etan, Patxi Zubizarreta izango da Legutioko liburutegian” JOAN” izeneko bere azken liburua aurkezten eta 31n, osteguna, Karmele Jaio hurbilduko da Murgiara, 20:00etan, bere “MUSIKA AIREAN” izenekoaz hitz egitera.
ELKARLANA ( praktikatuz)
Arabaz gain, Bizkaia, Nafarroa eta Gipuzkoako zenbait herrietan ere eskainiko den kultur egitasmo hau TOPAGUNEA euskara elkarteen federazioak koordinatu eta tokian tokiko euskara eta kultur elkarteek antolatzen dute. Zuiako kasuan, Aramaioko TXIRRITOLA, Urkabustaizeko LAN ETA JOLAS eta Zuia herriko BIDABARRI elkarteekin batera, Legutioko Udal liburutegiak hartu du bere gain herri mailako antolakuntza. Aipatutako guztiez gain, egitasmoak Kuadrillako euskara zerbitzuaren partaidetza izango du ekintza osagarrien arloan baita Gasteiz zein Arrasateko ELKAR liburu dendena ere. Egitasmoa, gainera, neurri batean, Eusko Jaurlaritza eta Arabako Foru Aldundiaren babesari esker gauzatuko da.