Alberto Gorritibereak Eutsi! filmarekin debutatu zuen 2007an. Hala ere, ‘Arriya’ du bere lehenengo lana; izan ere, zuzendariak aurrekoa “enkargu bat bezala” sentitzen omen du eta pelikula hau, aldiz, urte luzez gauzatu nahi izan duen proiektua da.
Aipatzekoa da, besteak beste, filma prest izateko ia astirik gabe aurkeztu zuela Malagako zinema-jaialdian eta bost sari lortu zituela (besteak beste, musikarik onenarena eta emakumezko aktorerik onenarena —Begoña Maestre—).
Zumaian eta Zestoan euskaraz, gaztelaniaz eta frantsesez grabatu zen pelikula honetan, telebistako aurpegi ezagun ugari ikus ditzakegu telesaioetan izan ohi duten roletatik kanpo, hala nola, Iban Garate, Egoitz Lasa, Ramón Agirre, Iñake Irastorza eta Ainere Tolosa.
Ordu eta erdi libre duzula eta ez dakizula zer egin? Alberto Gorritiberea zinemagile gasteiztarrak iaz zinemetan aurkeztu zuen lan bikainaz dohainik gozatzeko aukera duzu ‘Zinema euskaraz’ kanpainari esker EITBko web gunean.
FITXA TEKNIKOA
Izenburua: ARRIYA-La piedra
Zuzendaria: Alberto J. Gorritiberea
Urtea: 2011
Iraupena: 90 min.
Generoa: Drama
Aktoreak: Iban Garate, Sara Casasnovas, Begoña Maestre, Ramón Agirre, Iñake Irastorza, Kandido Uranga, Joseba Apaolaza
Web gunea: www.arriya-lapiedra.com
2012/05/02
Regina Larrucea Aransolo