Mendian gora modu askotara joan daiteke
Hilabete bat geroago, martxoaren 19an, hogeita hamar ibiltarik ekin zioten hurrengo txangoari: Zaldiaran, Busto eta San Migel tontortxoak zapaldu zituzten. Honela batzuk, non eta norekin:
- Zu hemen?
- Bai ni aspaldi ikasten naiz euskara baina ni ez hitx egin iñoiz.
- Ez da egia, nork pentsatuko! Ba, egin orain nahi duzun guztia, horrela ikasten da ta.
- Bale, baña ni bakarrik hitz egin aldapa behera, ze asko asko nekatuta nago.
Kutxidazu bidea Isabel-ka batzuek, beraz, baina bestelakoak ere baziren, bidea aurretik erakutsita. Honetaz eta hartaz aritu ziren, beheko lautadaz eta goiko zeruaz, futbolaz, lanaz edo Dalai Lamaz. Hori bai, denak euskaraz. Eta ttipi-ttapa.
Horrela sortu zen Geurekin mendira deitutako taldea, eta hala irauten du gaurdaino GEU elkartearen barnean. Pasa den otsailean hamazazpi urteurren urtea.
220 irteera egin dira Euskal Herriko mendietara, goizeko irtenaldiak, edo egun osokoak. Hilabetean behin. Irteera bereziak ere, bestalde: hiru egunetako hura, Lapurdira (Iparla eta inguruak), eta Euskaraz Bizi, Bagare taldeekin antolatutakoak (8-9). Azken urtean Mintzalaguna taldeko lagunekin ere zenbait irteera antolatu dira. Zortzi-bederatzi pertsonek jarduten dute antolakuntzan, egutegia eta ibilaldiak prestatzeko.
Mendi apalak eta handiagokoak tartekatzen ditugu. Ibiltze erritmoari dagokionez, kontuan hartzen da datorrenen maila, egokitu beharra dago. Era askotako jendea gara baina guztiok mendian gozatzen dugu eta giro polita sortu ohi da gure artean. Euria ez dugu gehiegi maite itxuraz, euri egunetan multzoa biziki murrizten baita. Talde irekia da gurea, adin guztietako euskaldun berri, berritu, higatu eta zaharkituentzat aproposa, eta benetan, beti gogoz hartzen dugu jende berria etortzea. Proposamen diferenteak ere ongi etorriak lirateke.
Mendian gora modu askotara joan daiteke, bai. Eta dagoeneko, antzeman duzue gutxigorabehera nola goazen gu. Gustukoa baduzue, zatozte...gu kontent. Ea ba, laster arte!