Aita Santuaren meza
Hiru urteko ume baten ateraldia. Aitarekin meza entzuten ari zen. Meza ematen Aita Santua, Erroman. Ardoa bedeinkatzeko altxatzen du kaliza, eta semeak: "Aitatxo, gizon horrek zergatik irabazi du kopa?"
Aitona eta gaztea
Familia batean denak biltzen omen dira Eguberrietan, eta gazteak aitonari galdetzen dio:
- Aitona, aitona! Ikusi al duzu nire tripa?
- Ez, eta zuk pasilloko elefantea?
Anbulatorioan
Gasteizko Anbulatorioan entzuna: "Hirurogeita bost urte dauzkat. Ez dago gaizki nire adineko pertsona batentzat!"
Afaria
Gizon-emakume batzuk, pinpirin-pinpirin jantzita, afaltzen ari dira mahai borobil batean eserita. Halako batean, gizon lodikote batek: "Krrroook". Guztiak zurbil geratu dira, isilik. Korrok egin duen gizonak ondoko emakumeari begiratzen dio, eta non esaten dion: "Lasai, emakumea! Neu izan naizela esango dugu!".
ALEAren albisteak Whatsapp edo Telegram bidez jaso nahi dituzu?
WHATSAPP: Bidali ALEA hitza 645 66 86 02 telefono zenbakira.
TELEGRAM: Batu zaitez @ArabakoALEA kanalera.
ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Zuk ere gurekin bat egin nahi al duzu?