TXILLARDEGIRI GASTEIZTIK
Doinua: Gogoratzen naiz lehengo amonen…
Hona zu etorri zinen batean
Gasteizko euskaltzaleengana,
aipagai zure gazte garaian
hiri honek zuen zama:
“Hizkuntza aldetik Salamanca edo,
ia ematen zuana”.
Zorionean denbora hori
aspalditik da joana,
zeren ikusi zenuen nola
joan den ehuntzen euskal trama,
astiro, baina goraka doa
gure euskaldun izana.
Gasteiz, jada, ez da Salamanca,
hainbatek egin du lana.
Zureak ere lagundu digu
gu biltzen elkarrengana.
2012/01/31
Egilea: XAbi Rico
 |
 |
 |
Izan zaitez ALEAkide!
ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Zuk ere gurekin bat egin nahi al duzu? Aukera ezberdinak dituzu gure proiektuarekin bat egiteko.