Badator Korrika 19! Atzo Bilbon aurkeztu zuten 2015ean izango den 19. edizioa, Korrika arduradun Asier Amondok, AEKren Koordinatzaile Nagusi Mertxe Mugikak eta AEKren Artezkaritza kideek.
Euskararen aldeko lasterketa erraldoia martxoaren 19an, Urepelen hasi eta martxoaren 29an Bilbon bukatuko da. Edizio honen lelo eta mezu nagusia Euskahaldundu! da.
Bestalde, Korrika 19k eta AEK-k Durangoko Azoka omendu nahi du. Herri honek auzolanean eta elkarlanean lorpen handiak egin ditu. Ia 50 urteko ibilbidea dauka, 2015ean, 19.Korrika burutuko den urtean, alegia, beteko baitu mende erdia.
Informazio gehiago: Korrika 19