Honen xedea komunikazio tresnen gaineko formakuntza eskaintzea da. Hori dela eta, Basalarrina euskaldunen topagunearekin elkarlanean hainbat ekitaldi prestatu dituzte; hain zuzen ere, tailerrak, ikastetxeetako multimedia-rallyak, solasaldiak eta bertxiosaio musikatua antolatu dira.
Azaroaren 20an, 17:30ean, “Musika taldeentzat multimedia plataformak” ekitaldiak lekua hartuko du Amurrioko Kultur etxean. Egun berean, “bertxiosaio musikatua” ere ospatuko da Laudion; kasu honetan, hitzordua 20:00etan izango da. Azken ekintza honetan, ikusleak izango dira twitter bidez gaiak erabakiko dituztenak; horretarako, #bertsiosaioa eta @aiaraldea aipatu beharko dira.
Azaroaren 21ean, Laudion beste ekitaldi bat antolatuko da: “Umorea, musika eta multimedia euskararen pizgarri”; 19:00etan ospatuko da eta, bertan, Jon Gotzon eta Zuriñe Hidalgo izango dira hizlari.
Lau tailer egun bakarrean
Azaroaren 22an antolatuko diren tailerrak ugariak izango dira. 11:00etatik aurrera, mugikor bidezko laburmetrai tailerra antolatuko da Amurrioko kultur etxean; gazteentzat zuzendutako ekintza. Aldi berean, “Aldizkari digitalak nola sortu” ikasteko tailerra ere antolatuko da, leku eta ordu berean. Laudion, beste bi ekitaldiek lekua hartuko dute Basalarrina elkartean. Alde batetik, 10:00etan Hub Impact proiektua eta filosofia aurkeztuko da. Beste aldetik, 12:30tan, Drone helikopteroren bidez grabazioak nola egin ikasteko aukera eskainiko da.
Edozein tailerrean parte hartzeko izen-ematea funtsezkoa da; azaroaren 20ra arte, ume.aiaraldea.com webgunearen bidez, aukera egongo da.
Aurtengo egitarauko ekintzak
• Abenduak 20an, osteguna, 17:30 Amurrioko kultur etxean: "Musika taldeentzat multimedia plataformak" solasaldia
• Abenduak 20an, osteguna, 20:00 Laudioko Zubiaur plazan: BerTXIOsaio musikatua. Bertsolariak: Miren Amuriza, Oihana Bartra eta Ander Solozabal. Musikariak: Igor Arzuaga eta Txema Isasi.
• Abenduak 21ean, ostirala, 19:00etan Laudioko Basalarrina elkartean solasaldia: "Umorea, musika eta multimedia euskararen pizgarri". Hizlariak: Zuriñe Hidalgo (Hesian taldeko abeslaria) eta Jon Gotzon (Euskadi Gazteako Di-da saioko esataria).
• Abenduak 22an, larunbata 11:00etan Amurrioko kultur etxean tailerra: "Aldizkari digitalak nola sortu".
• Abenduak 22an, larunbata 11:00etan Laudioko Basalarrina elkartean: Hub Impact filosofia eta 3D inprimakien proiektuaren aurkezpena.
• Abenduak 22an, larunbata 12:30ean Amurrioko kultur etxean: Mugikor bidezko laburmetrai tailerra.
• Abenduak 22an, larunbata 12:30ean Laudioko Basalarrina elkartean: Drone helikoptero bidezko grabazioak. Hizlaria: Juanma Axpe.